གཉའ་ཁྲི་བཙན་པོ།
༥༥༽ བློན་པོ་ལི་བཙན་བཞེར་སོགས་བཙན་པོའི་སྐུ་མདུན་དུ་བཅར་ནས་གསོལ་བ། རྗེ་རྒྱལ་ལགས། བོན་པོ་མགོ་མཐོ་ན་རྗེའི་མངའ་ཐང་འཁྱེར། སྲས་དབོན་རྣམས་ཀྱི་སྐུ་རིང་ལ་རྒྱལ་སྲིད་བོན་པོས་འཁྱེར་ཉེན་ཆེ་བས། བོན་གཤེན་རྣམས་མཐར་འབུད་གཏོང་རོགས་ཞུ།
༥༦༽ བཙན་པོས། གཤེན་པོ་རྣམས་བསྐོངས་ཏེ། ང་ཡི་རྒྱལ་སྲིད་དང༌། ཁྱོད་ཚོའི་བོན་སྲིད་གཉིས་ཙམ་མངའ་རིས་འདི་རུ་མི་ཤོང་བས། སྔར་ཡོད་ལྷ་བོན་སྒོ་བཞི་སོགས་བདག་གི་སྐུ་སྲུང་གནང་འཚལ། གཞན་རྣམས་བོད་རུ་བཞིའི་མཐའ་ལ་སོང་ཞིག ཅེས་བསྒྲགས།
༥༧༽ དེར་གཙང་གི་བོན་གཤེན་རྣམས་མ་དགའ་བར་བཙན་པོར་ངོ་ལོག་བྱ་དགོས་བསམས་ཀྱང༌། དཔུང་ཤུགས་ཞན་པས་ངོ་མི་ཡོང་བར་ཤེས་ནས། གཙང་ཁུལ་དུ་ལོག་ནས་བཙན་པོའི་སྐུ་ཕྱྭ་ལ་བར་ཆད་ཡོང་བའི་མནན་མཐུ་སོགས་ཀྱི་ལམ་ནས་ཐོ་བརྩམས་པ་རེད།
༥༨༽ དེ་རིམ་པས་ཉན་རྣ་བ་མང་པོ་བརྒྱུད་བཙན་པོའི་སྙན་དུ་ཆོད་པ་ན། བཙན་པོ་རབ་ཏུ་ཁྲོས་ཏེ་དམག་དཔུང་བཏང་ནས་གཙང་བོན་རྣམས་རྩ་མེད་བཏང༌།
༥༩༽ ལོ་ངམ་གྱི་གཡོ་ཇུས་ལམ་ལྷོང་མ་བྱུང་བས། ཁོས་མུ་མཐུད་གཡོ་ཐབས་གསར་པ་ཞིག་བཀོལ་ནས། བོན་པོ་ལྷག་མ་འགའ་ཞིག་རྒྱུ་དངོས་མང་པོ་དང་ལྷན་ཅིག་ཁ་ཆེའི་ཡུལ་དུ་སྐྱབས་བཅོལ་དུ་མངགས་སོ། །
For the audio files